لطفا چند لحضه صبر کنید
این انجمن در ستاد ساماندهی پایگاه های اینترنتی وزارت فرهنگ و ارشاد اسلامی ثبت شده است...

بئش قیسا شعر...

اؤز آیناسیندان،
باخدی منه
سانکی...
دار دودوک دونیاسی،
لئشه دولموشدو...

************

اوره‌ییمی،
اَلیمه آلماق،
ایسته‌ییرم.
سنی گؤرمک ایچون....

**************

آردي

+0 به‌ین

گؤنده ريليب تاريخ یکشنبه 30 فروردین 1394يازار بولاق

نئچه ایللیک قوزو وار هئی مله‌ییر قوینومدا
دورمادان جانلی بیر ایتکین دیله‌ییر قوینومدا

گئجه یاسین سسی زینگیلده‌دیر اونلار سنده
کوچه‌نین گؤرکمینه نور چیله‌ییر قوینومدا

یاز گؤوردیب‌سه‌ده اوزده بویات آلقیشلارینان
گؤزونون نعشینی هئی سیلکه‌له‌ییر قوینومدا

آردي

+0 به‌ین

گؤنده ريليب تاريخ پنجشنبه 27 فروردین 1394يازار بولاق

دوداغیندان بیر اؤپوش آلماسام ال چکمیه‌جم
او شیرین دویوغونو من دادماسام ال چکمیه‌جم

نئچه گون گؤزلریمی یوممامیشام فیکریندن
اوره‌یینده بو گئجه یاتماسام ال چکمیه‌جم

اؤزگه‌لرله کوچه‌ده ناز ائله‌ییب اویناییسان
من اگر اویناماسام قاتماسام ال چکمیه‌جم

آردي

+0 به‌ین

گؤنده ريليب تاريخ چهارشنبه 26 فروردین 1394يازار بولاق

بو یالان وعده‌لر اؤز پاییز اولسون
آیاغیم جنّته نیفرتین قوسور
ایللردیر کؤکلریم جهنمده‌دیر
اوره‌‎ییم بو یالین الیمدن کوسور

قرنلر یاندیریب ظولوملر منی
کولومه تؤکولن کولو نئینیرم
یاس توتوب اوره‎ییم اؤزونه آغلیر
دئدیییز او یالان تویو نئینیرم

آردي

+0 به‌ین

گؤنده ريليب تاريخ شنبه 22 فروردین 1394يازار بولاق

یاندیرما منی

دئمه‌کی سئویرم تکجه من سنی
منده چوخ سئویرم، سئویرم سنی
اوره‌ییم باغلی‌دیر محبتینه
بوندان چوخ یاندیرما، یاندیرما منی

گونه باخان گولو اولموشام سنه
هر سحر یولونا گؤزوم سریلیر
ساری یارپاقلاریم شعیرلریمدی
گَل بیر گؤر اَل به اَل نئجه دریلیر

آردي

+0 به‌ین

گؤنده ريليب تاريخ چهارشنبه 19 فروردین 1394يازار بولاق

بولاق درنه‌یین شعر اوتورومو بیر آی بایرام تعطیل‌لریندن سونرا بیر داها قورولدو. بو اوتورمودا خییوو شهری‌نین آدلیم و گؤزل شاعیرلری او جومله‌دن کامیل قهرمان‌اوغلو، یعقوب نیکزاد، یحیی حمیدزاده، نجیبه رستم‌اوغلو، پروین قاسمی، ایرج امامی و ایلقار موذن‌زاده اؤز گؤزل شعرلریله خاطیره‌لی بیر گون یاراتدیلار.

آردي

+0 به‌ین

گؤنده ريليب تاريخ سه شنبه 18 فروردین 1394يازار بولاق

هئی کوچه قادینی
سانیجیدیر ایچیمی بو گئجه بعضی سؤزلر
ایچیمدن قوپاریب زیبیل قابینا آتدیغیم گؤزلر...!
هئچ تانیشلیق اولمادان
بیرینه باغلانماق
هئچ بیرینی گؤرمه‌دن
گؤزلریندن یازماق....
بوتون سوچلار منده!

آردي

+0 به‌ین

گؤنده ريليب تاريخ چهارشنبه 5 فروردین 1394يازار بولاق

بیر شئی بیلمیشم گؤزه‌لیم
دونیا فیرلانیر کی
بیز فیرلانیریق
من سنین باشینا فیرلانیرام
سن ده بیر باشقاسینین
...


آردي

+0 به‌ین

گؤنده ريليب تاريخ سه شنبه 4 فروردین 1394يازار بولاق

باهار گلیر
قیشدا بیزدن کوسدو بئله
دوداغینی بوزوب گئدیر
گلین
گلین یولا سالاق
دوم آغ تئللرینی
سازاق چالان دیللرینی
بوز باغلایان  اللرینی
اوزوب گئدیر
هاوادا بیر ایستی لیک وار

آردي

+0 به‌ین

گؤنده ريليب تاريخ یکشنبه 2 فروردین 1394يازار بولاق

سن منیم خوش گونومون قاتیلی‌سن
دوداغیمدا قورویان سون گولوشون
قاتیلی‌سن
آغلادیم هر گئجه گوندوز
داها یاغمیر دا گؤزوم
سن قورو گؤلده اؤتن دورنالارین
قاتیلی‌سن
زیروه لرده اوچوشان آرزیلارین
قاتیلی‌سن
ایلک گونونده ساریلیرکن قولوما
هر نفسده باشیمین تاجی دئدین
هر گؤروشده گؤزومه بیر اوزون ماهنی دئدین

آردي

+0 به‌ین

گؤنده ريليب تاريخ یکشنبه 2 فروردین 1394يازار بولاق
1 |
اثرلريزي بو سایت‌دا ياييملاماق ايسترسه‌نيز، يازديغيميز ايمئيل طريقيله بيزيم‌له ايلگي قورون. اثريزي يوللاياندا شکيليزي‌ اونوتمايين
قالب وبلاگ